Instituti Demokratik i Kosovës (KDI) ka hapur garën tradicionale “Fotografo Korrupsionin 2026”, duke ftuar qytetarët që përmes fotografisë të dokumentojnë dukuritë dhe pasojat e korrupsionit në mjedisin e tyre. Eugen Cakolli nga KDI ka bërë thirrje që të kapen me foto ato situata që tregojnë ndikimin e korrupsionit, duke theksuar se edhe pse shpesh i padukshëm, korrupsioni lë gjurmë të dukshme në jetën e përditshme. Pjesëmarrësit mund të dërgojnë deri në tri fotografi në adresën e KDI-së, ndërsa punimet më të mira do të shpërblehen me çmime deri në 200 euro. Fituesit do të shpallen më 9 dhjetor, në Ditën Ndërkombëtare Kundër Korrupsionit, ndërsa KDI apelon për vëmendje dhe angazhim qytetar në këtë iniciativë.