Artan Behrami, kandidat për deputet nga PDK-ja, ka reaguar ashpër ndaj paralajmërimeve për krijimin e Xhandarmërisë në Kosovë, duke e cilësuar atë si një mjet për përhapjen e frikës dhe kontrollit politik. Ai thekson se qeverisja aktuale ka funksionuar duke përdorur frikën si instrument për të suspenduar demokracinë dhe mendimin racional, duke e krahasuar këtë me praktikat e diktatorëve dhe autokratëve. Sipas Behramit, shteti i Kosovës nuk duhet të ndërtohet mbi mekanizma që prodhojnë pasiguri dhe frikë te qytetarët, dhe as Xhandarmëria e as policia nuk mund të heqin "hijen" e frikës që sipas tij tashmë qëndron në opozitë. Ai përmbyll mesazhin me një thirrje përfundimtare ndaj qytetarëve që më 7 qershor të japin fund "periudhës më të errët të historisë së post-pavarësisë".