Komandanti i Forcës së Sigurisë së Kosovës, gjenerallejtënant Bashkim Jashari, zhvilloi një videokonferencë me komandantin e Forcës Ndërkombëtare Stabilizuese, gjeneralmajor Jasper Jeffers III nga ushtria e SHBA-së, për koordinimin e dislokimit të FSK-së në rripin e Gazas. Gjatë takimit, gjeneral Jashari falënderoi SHBA-në për ftesën dhe konfirmoi gatishmërinë e FSK-së për të marrë pjesë në këtë operacion ndërkombëtar me një kontingjent të trajnuar sipas standardeve të NATO-s. Ai theksoi se FSK-ja është një ushtri profesionale dhe e gatshme të kontribuojë në sigurimin e paqes dhe stabilitetit kur kërkohet nga partnerët ndërkombëtarë. Gjeneralmajor Jeffers falënderoi FSK-në për angazhimin dhe e vlerësoi si një partner serioz në promovimin e paqes dhe stabilitetit në Lindjen e Mesme.