Forca e Sigurisë së Kosovës (FSK) ka zhvilluar një vizitë zyrtare në Komandën Mbështetëse të Forcave të Armatosura të Shqipërisë, ku një delegacion i udhëhequr nga kolonel Valdet Berisha është pritur nga gjeneral brigade Aleksandër Pando dhe stafi i tij. Gjatë takimeve janë diskutuar tema të rëndësishme si logjistika, trajnimet dhe menaxhimi i emergjencave civile, duke u njohur me strukturën organizative dhe kapacitetet e Komandës Mbështetëse të FARSH-it. Kjo vizitë ka shërbyer si një platformë për shkëmbimin e përvojave profesionale dhe diskutimin e mundësive për zgjerimin e bashkëpunimit në fushat me interes të përbashkët. FSK thekson se takimet janë zhvilluar në frymën e partneritetit dhe besimit të ndërsjellë, duke kontribuar në forcimin e marrëdhënieve dhe ndërveprueshmërisë mes dy forcave ushtarake.