Forca e Sigurisë së Kosovës së bashku me partnerët amerikanë organizuan “Vrapin e Rreshter Majorit” në Parkun e Gërmisë për të shënuar 250-vjetorin e Pavarësisë së Shteteve të Bashkuara të Amerikës. Ky aktivitet u zhvillua nën moton “Run Together, Stronger Together”, duke theksuar partneritetin e fortë, besimin dhe vlerat e përbashkëta mes dy vendeve. Pjesëmarrës në ngjarje ishin pjesëtarë të Operacioneve Speciale të FSK-së dhe partnerët amerikanë, duke reflektuar angazhimin për avancimin e kapaciteteve operacionale dhe bashkëpunimit strategjik. FSK theksoi përkushtimin e vazhdueshëm për forcimin e marrëdhënieve dhe bashkëpunimit në të gjitha fushat me Shtetet e Bashkuara të Amerikës.