Ish-komandanti i Forcës së Sigurisë së Kosovës, Kadri Kastrati, ka njoftuar se FSK po përgatitet për të marrë pjesë në një mision paqeruajtës në Gaza. Procesi i dërgimit të FSK-së jashtë vendit përfshin miratimin fillestar nga Qeveria, më pas shqyrtimin dhe aprovimin nga Kuvendi i Kosovës, i cili është organi më i lartë dhe i vetëm që mund të autorizojë këtë operacion. Pas miratimit të Kuvendit, vendimi përfundimtar jepet nga Presidentja ose Ushtruesja e Detyrës së Presidentit, dhe më pas forcat tona janë të gatshme për zbarkim. Kastrati theksoi se FSK është ngritur sipas standardeve më të larta të NATO-s dhe ka përvojë në operacione paqeruajtëse dhe humanitare, duke garantuar përfaqësim dinjitoz të Kosovës në këtë mision.