Në fund të prillit, një ekip i Forcës së Sigurisë së Kosovës (FSK) u nis drejt Rripit të Gazës për të realizuar rikonicionin e zonës ku do të operojnë ushtarakët kosovarë në misionin e stabilitetit. Ministria e Mbrojtjes nuk ka dhënë ende datën e nisjes së 22 ushtarakëve për këtë mision, por ish-gjenerali Ilir Qeriqi thekson se ata janë trajnuar për operacione mësymëse, mbrojtëse dhe stabilizuese, duke qenë të përgatitur për çdo skenar të mundshëm. Ai shton se rregullat e veprimit janë të përshtatura me situatën operacionale dhe nuk bëhen publike për të mos komprometuar sigurinë e misionit. Ish-ushtarakut Hisen Berisha i referohet kohëzgjatja e misionit prej 180 ditësh, duke theksuar se detajet e mëtejshme përcaktohen nga urdhëri operacional, ndërsa Kosova është një nga pesë shtetet që kanë marrë përsipër angazhimin për sigurimin dhe mbikëqyrjen e armëpushimit në këtë zonë të ndjeshme.