Forca e Sigurisë së Kosovës (FSK) po afrohet drejt transformimit në ushtri me kapacitete të plota, por ende nuk ka një spital ushtarak për trajtimin e rasteve serioze shëndetësore. Aktualisht, pjesëtarët e FSK-së marrin shërbime mjekësore bazike brenda kazermave, ndërsa për trajtime më të avancuara duhet të drejtohen në spitale publike ose private. Ekspertët dhe ish-zyrtarët theksojnë se ndërtimi i një spitali ushtarak është i domosdoshëm për sigurinë dhe moralin e trupave, veçanërisht me angazhimin e FSK-së në misione ndërkombëtare, por mungesa e investimeve dhe vullneti politik pengojnë realizimin e tij.