Ministria e Mbrojtjes së Kosovës ka lidhur një kontratë publike për shërbimet e qethjes së pjesëtarëve të Forcës së Sigurisë së Kosovës (FSK), me vlerë prej 9,375 eurosh. Kjo kontratë do të sigurojë që ushtarët të kenë mundësi për mirëmbajtjen e pamjes së tyre në kazermat e FSK-së në Prishtinë, Ferizaj dhe lokacione të tjera ushtarake në vend. Operator i përzgjedhur për këtë shërbim është kompania “Visar E. Limani B.I”, ndërsa kontrata do të jetë në fuqi për 36 muaj. Fillimisht, Ministria kishte parashikuar një buxhet prej 15 mijë eurosh, por pas procedurës së prokurimit, shërbimet u siguruan me një çmim më të ulët, duke përfshirë edhe pajisjet dhe trajnimin për realizimin e shërbimeve në përputhje me specifikimet teknike.