Kandidatët për deputetë nga LDK në Istog, Shkëmb Manaj dhe Naim Behlulaj, zhvilluan një takim me përfaqësuese të organizatave të shoqërisë civile që punojnë për fuqizimin e grave në të gjitha sferat e jetës. Gjatë këtij takimi u diskutuan sfidat me të cilat përballen gratë dhe mundësitë për bashkëpunim më të ngushtë me institucionet qendrore dhe mekanizmat mbështetës të projekteve të tyre. Ish-presidentja Vjosa Osmani iu drejtua pjesëmarrëseve përmes videokonferencës, duke shprehur përkushtimin dhe mbështetjen e saj për misionin fisnik të organizatave që angazhohen për avancimin e pozitës së grave. Shkëmb Manaj falënderoi pjesëmarrëset për mikpritjen dhe angazhimin, duke theksuar rëndësinë e bashkëpunimit për të ndihmuar gratë në shoqëri.