Kryeprokurori i Shtetit, Zejnulla Gashi, priti në takim drejtorin e Akademisë së Drejtësisë, Enver Fejzullahu, i cili e uroi për detyrën e re. Gjatë takimit u diskutua rëndësia e ngritjes dhe zhvillimit të vazhdueshëm të kapaciteteve profesionale të prokurorëve përmes trajnimeve të specializuara. Synimi është avancimi i njohurive dhe aftësive për trajtimin efikas të formave komplekse të kriminalitetit bashkëkohor. Të dy bashkëbiseduesit vlerësuan rëndësinë e bashkëpunimit institucional për përcaktimin e temave të trajnimeve që adresojnë sfidat reale me të cilat përballen prokurorët në punën e tyre.