Gjatë fushatës zgjedhore në Kosovë, partitë politike dhe kandidatët kanë shpenzuar rreth 100 mijë euro për sponsorizime në rrjetet sociale, kryesisht në platformën Meta, duke e bërë komunikimin digjital një nga mjetet kryesore të promovimit politik. Organizata Demokracia në Veprim (DnV) ka monitoruar mbi 500 profile dhe ka vërejtur se fushata është zhvilluar në një ambient konkurrues dhe kryesisht të qetë, por me shqetësime për pabarazi në garë, si pasojë e veprimeve dhe vendimeve institucionale para fillimit të fushatës.