Zgjedhjet parlamentare të 7 qershorit në Kosovë po zhvillohen në një atmosferë të tensionuar brenda komunitetit serb, ku Lista Serbe, e mbështetur fuqishëm nga Beogradi, përballet me Partinë për Liri, Drejtësi dhe Mbijetesë të Nenad Rashiqit. Serbia po angazhohet drejtpërdrejt në fushatë përmes Zyrës për Kosovën dhe institucioneve të saj, duke bërë thirrje për votë për Listën Serbe si “shtyllë kryesore të mbrojtjes së interesave kombëtare”. Analistët vlerësojnë se kjo ndërhyrje dëmton demokracinë dhe redukton pluralizmin politik në komunitetin serb, i cili ndodhet në një pozitë të vështirë institucionale që nga viti 1999. Ndërkohë, partitë shqiptare në Kosovë po zhvillojnë një fushatë me premtime të ricikluara dhe përplasjesh politike, ndërsa dialogu Kosovë-Serbi mbetet temë e shmangur për shkak të perceptimeve negative dhe frikës për humbjen e votave.