Procesi i numërimit të votave për kandidatët e Partisë Socialdemokrate (PSD) po vazhdon, ndërsa rezultatet e përditësuara nga Komisioni Qendror i Zgjedhjeve tregojnë një garë shumë të ngushtë. Në krye të listës janë Dardan Molliqaj dhe Natyra Kuçi, të dy me nga 176 vota, ndjekur nga Florin Krasniqi dhe Nol Nushi me nga 171 vota, dhe Teutë Rrusta me 170 vota. Frashër Krasniqi renditet i gjashti me 159 vota, duke bërë që diferenca mes kandidatit të parë dhe të gjashtit të jetë vetëm 17 vota. Kjo situatë tregon një konkurrencë të fortë brenda PSD-së, ndërsa pritet që renditja të pësojë ndryshime me përditësimet e ardhshme nga KQZ-ja.