Sipas hulumtuesit Eugen Cakolli nga KDI, Lëvizja Vetëvendosje pritet të marrë 53 mandate në Kuvend, ndërsa AAK do të mbetet me 7 ulëse. Gara më e ngushtë është për mandatin e fundit, i cili pritet të vendoset mes PDK-së dhe LDK-së, me dallim prej vetëm disa dhjetëra votash. Numërimi i votave me postë dhe atyre me kusht, që do të përfundojë brenda kësaj jave, mund të ndikojë në këtë rezultat, por ndryshimet e mëdha nuk priten përveç nëse shfaqen devijime të pazakonta. LDK-ja ka më shumë vështirësi për të rikthyer mandatin e 19-të, ndërsa PDK-ja mbetet në garë të ngushtë për ta ruajtur atë.