Kryeministri Edi Rama ka bërë të ditur se Komisioni Evropian është njohur në detaje me procesin administrativ lidhur me projektin turistik në zonën e Sazanit dhe Zvërnecit, duke iu referuar edhe deklaratave të Komisioneres për Zgjerim, Marta Kos. Ajo ka theksuar se qeveria shqiptare ka dhënë garanci për respektimin e standardeve mjedisore evropiane dhe se do të kryhet një vlerësim i plotë i ndikimit në mjedis për projektin prej më shumë se 1.4 miliardë eurosh, duke nënvizuar rëndësinë e monitorimit të vazhdueshëm në kuadër të procesit të anëtarësimit në BE. Marta Kos ka përkujtuar se protestat e zhvilluara në Shqipëri janë një e drejtë themelore dhe ka shprehur kënaqësinë që kjo e drejtë po respektohet në vend. Procesi i anëtarësimit dhe respektimi i kapitullit të mjedisit mbeten të hapura deri në vitin 2027, ndërsa Komisioni Evropian do të vazhdojë të verifikojë përmbushjen e standardeve përkatëse.