Mbrojtja e Hashim Thaçit i është përgjigjur Prokurorisë Speciale në Hagë lidhur me shqetësimet për rrezikun e arratisjes së ish-presidentit të Kosovës. Ata e konsiderojnë si spekulative pretendimin se Thaçi mund të ketë qasje në fonde të konsiderueshme për të mbështetur arratisjen, duke theksuar se ai ndodhet në paraburgim që nga viti 2020 dhe është tërhequr nga jeta politike. Për të zbutur rrezikun e arratisjes, Thaçi ka propozuar dorëzimin e pasaportave dhe një garanci financiare prej 50 mijë eurosh, ku garantues janë vëllai i tij dhe disa miq të ngushtë. Mbrojtja kërkon që Thaçi të lirohet në kushtet që konsiderohen të përshtatshme, duke argumentuar se masat e propozuara janë të mjaftueshme për të parandaluar çdo tentativë arratisjeje.