Një grup gazetarësh nga Kosova dhe Shqipëria i është drejtuar Bashkimit Evropian dhe Shteteve të Bashkuara të Amerikës me një letër publike, ku shprehin shqetësime serioze për mënyrën se si po zhvillohen proceset në Dhomat e Specializuara të Kosovës në Hagë, sidomos në rastin ndaj ish-krerëve të UÇK-së Hashim Thaçi, Kadri Veseli, Rexhep Selimi dhe Jakup Krasniqi. Ata theksojnë se shqetësimet nuk janë politike, por bazohen në raportime të mediave të pavarura, reagime të shoqërisë civile, vlerësime institucionale dhe peticione të ekspertëve juridikë, duke ngritur dyshime për drejtësinë, proporcionalitetin dhe transparencën e procedurave.