Avdullah Hoti, ish-kryeministri dhe kandidati për deputet, ka rikujtuar rëndësinë e Marrëveshjes së Washingtonit, nga e cila buron projekti i gazit amerikan. Ai thekson se ky projekt, i cili më parë ishte kundërshtuar ashpër dhe cilësuar si “tradhti kombëtare” nga disa forca politike, sot është përqafuar nga pothuajse të gjitha subjektet gjatë fushatës zgjedhore. Gjatë gjashtë viteve të fundit, qytetarët e Kosovës kanë paguar çmime më të larta për energjinë dhe janë detyruar të importojnë energji në vlerë prej afro një miliard eurosh, ndërsa kundërshtimet ndaj projektit ishin motivuar nga interesa të ngushta politike dhe orientime anti-perëndimore.