Ministrja e Jashtme e Kosovës, Donika Gërvalla, zhvilloi një takim me Ambasadoren e Kroacisë në Kosovë, Danijela Barišić, ku u diskutua thellimi i bashkëpunimit dypalësh në fushën e drejtësisë. Gjatë takimit u theksua rëndësia e forcimit të bashkëpunimit në ekstradim si një komponent kyç për një bashkëpunim juridik më efektiv dhe funksional mes dy vendeve. Gërvalla vuri në pah nevojën për trajtimin serioz të krimeve të luftës, që mbeten një plagë e hapur për Kosovën dhe Kroacinë, duke kërkuar përkushtim maksimal dhe qasje institucionale konkrete. Ajo gjithashtu nënvizoi se për të arritur sundim të ligjit dhe shtet të fortë funksional, janë të domosdoshme reforma të thella dhe institucione të forta në drejtësi.