Zëvendëskryeministrja dhe Ministrja e Drejtësisë, Donika Gërvalla, mori pjesë në ceremoninë përmbyllëse të programit “Future Makers” në Qendrën Korrektuese për të Miturit në Lipjan, ku 21 të rinj morën certifikata pas përfundimit të kursit të robotikës dhe programimit. Ky program u organizua nga OJQ BONEVET Prishtina në bashkëpunim me Japan Tobacco International, duke u mundësuar të rinjve zhvillimin e aftësive në bashkëpunim, komunikim dhe zgjidhje problemesh. Ministrja Gërvalla theksoi rëndësinë e masave edukative për përgatitjen e këtyre të rinjve për një jetë pa vepra penale dhe falënderoi stafin korrektues për përkushtimin e tyre në këtë proces. Ajo vizitoi edhe Qendrën Edukuese Korrektuese, duke vlerësuar përpjekjet për të hapur rrugë të reja për integrimin e të rinjve në shoqëri.