Zëvendëskryeministrja dhe Ministrja e Drejtësisë, Donika Gërvalla, vizitoi Zyrën Rajonale për Ndihmë Juridike Falas në Gjilan, ku vlerësoi rolin e ndihmës juridike falas si një nga shtyllat kryesore të barazisë para ligjit. Ajo theksoi se ky mekanizëm mbështet qytetarët që përballen me sfida shoqërore, ekonomike dhe ligjore, duke siguruar qasje të barabartë në drejtësi për të gjithë. Gërvalla u njoh edhe me funksionimin e zyrës mobile, e cila përfaqëson një zgjerim të rëndësishëm të shërbimeve dhe mundëson afrimin e drejtësisë në terren. Ajo theksoi se qasja në drejtësi është jo vetëm një standard institucional, por edhe një detyrim ndaj çdo qytetari, duke e konsideruar forcimin e këtij sistemi si një prioritet për ndërtimin e një shteti të së drejtës.