Zëvendëskryeministrja dhe Ministrja e Drejtësisë, Albulena Gërvalla, ka vizituar Qendrën e Paraburgimit në Gjilan për t’u njohur nga afër me kushtet dhe sfidat e këtij institucioni. Ajo theksoi se sistemi korrektues është një test i drejtpërdrejtë i seriozitetit të shtetit ndaj drejtësisë dhe nuk duhet të ketë standarde të dyfishta në këtë fushë. Ministrja përmendi Marrëveshjen Ndërkombëtare me Mbretërinë e Danimarkës, e cila rrit përgjegjësinë për ndërtimin e një sistemi korrektues funksional dhe të besueshëm, në përputhje me standardet ndërkombëtare. Gjatë vizitës u diskutua rëndësia e respektimit të të drejtave të personave të privuar nga liria dhe nevoja që këto standarde të zbatohen në praktikë, duke theksuar se trajtimi i të privuarve nga liria tregon vlerën e sundimit të ligjit. Në përfundim, Ministrja Gërvalla njoftoi se angazhimi institucional do të jetë i vazhdueshëm dhe se rritja e llogaridhënies dhe përgjegjësisë mbetet një detyrim që do të ndiqet me vendosmëri.