Zëvendëskryeministrja dhe Ministrja e Drejtësisë, Donika Gërvalla, ka theksuar rolin e grave shqiptare si hallkën më të fortë të qëndresës dhe drejtësisë përballë dhunës dhe padrejtësisë gjatë luftës në Kosovë. Ajo mori pjesë në promovimin e librit “Hallka më e fortë”, që dokumenton historinë gojore të 20 grave nga 20 mijë që mbijetuan përdhunimin si armë lufte, duke i dhënë zë guximit dhe rezistencës së tyre. Ministrja vuri në dukje se ky botim ka rëndësi jo vetëm për Kosovën, por edhe në përpjekjet globale për të kuptuar dhe ndëshkuar dhunën seksuale në konflikt si një krim që kërkon përgjegjësi institucionale dhe ligjore. Gërvalla shprehu besimin se përkushtimi për drejtësi do të detyrojë kriminelët serbë të përballen me përgjegjësinë, ndërsa guximi i grave shqiptare mbetet një frymëzim për sfidimin e heshtjes dhe triumfin e drejtësisë.