Në prag të shpalljes së aktgjykimit ndaj ish-krerëve të Ushtrisë Çlirimtare të Kosovës, në Gjilan po shënohet një mobilizim i gjerë për marshin e 12 shtatorit në Prishtinë, organizuar nga platforma “Liria ka emër”. Pothuajse të gjitha lokalet e gastronomisë në Gjilan janë stolisur me flamujt e UÇK-së, duke shprehur mbështetje të hapur për Hashim Thaçin, Kadri Veselin, Jakup Krasniqin dhe Rexhep Selimin. Iniciatori Arlind Vokshi ka konfirmuar për Klankosova.tv se qytetarët dhe bizneset janë përgjigjur pozitivisht ndaj ftesës për të marrë pjesë dhe për të vendosur flamujt, duke treguar solidaritet me marshin dhe pritshmëritë për pafajësi të ish-krerëve. Ky mobilizim pasqyrohet edhe në komunat e tjera të Kosovës, ku mbështetja për marshin dhe për ish-udhëheqësit e UÇK-së vazhdon të rritet.