Me rastin e Ditës së Kushtetutës së Republikës së Kosovës, e cila u miratua më 9 prill 2008, Gjykata Kushtetuese ka organizuar aktivitetin “Dita e Gjykatës së Hapur” duke hapur dyert për qytetarët. Gjatë këtij eventi, vizitorët, përfshirë studentët e drejtësisë dhe përfaqësuesit e komunitetit juridik, kanë mundësi të vizitojnë objektin e Gjykatës, bibliotekën dhe ambientet ku punojnë gjyqtarët dhe zyrtarët. Vizitat organizohen në grupe prej jo më shumë se pesëmbëdhjetë personash dhe zhvillohen çdo orë nga ora 10:00 deri në 14:00, me një kohëzgjatje maksimale prej 45 minutash. Për të hyrë në vizitë, vizitorët mbi 16 vjeç duhet të paraqesin një dokument zyrtar identiteti në recepcion.