Avokati Arbër Jashari ka shpjeguar se Gjykata Kushtetuese ka dy mundësi lidhur me dekretin e presidentes Vjosa Osmani për shpërndarjen e Kuvendit: ose të vendosë për ligjshmërinë e tij, ose të zgjasë masën e pezullimit deri në vendimin përfundimtar. Mandati i presidentes Osmani përfundon më 4 prill, dhe pas saj ushtruese e detyrës do të jetë Kryetarja e Kuvendit për gjashtë muajt vijues. Në rast se dekreti shpallet i ligjshëm, zgjedhjet parlamentare do të mbahen brenda 45 ditësh. Nëse dekreti konsiderohet i kundërligjshëm, Kuvendi nuk do të shpërndahet dhe mund të ketë deri në dy muaj kohë për zgjedhjen e një presidenti të ri.