Mbledhja e Përgjithshme e Gjyqtarëve të Republikës së Shqipërisë ka kërkuar zhbllokimin e menjëhershëm dhe pagesën pa vonesë të pagave të tyre dhe të administratës gjyqësore, duke theksuar se vendimi i Gjykatës Kushtetuese nr. 15/2026 është përfundimtar dhe i detyrueshëm për zbatim. Gjyqtarët theksojnë se moszbatimi i këtij vendimi cenon pavarësinë e pushtetit gjyqësor dhe funksionimin e drejtësisë, duke paralajmëruar përshkallëzim masash deri në pezullimin e përkohshëm të veprimtarisë gjyqësore, përveç çështjeve urgjente. Ata kërkojnë gjithashtu miratimin pa vonesë të kuadrit ligjor në përputhje me vendimet kushtetuese dhe marrjen e përgjegjësive nga institucionet përkatëse, duke përfshirë edhe angazhimin e Presidentit të Republikës për garantimin e pavarësisë së gjyqësorit. Në rast se institucionet nuk veprojnë, gjyqtarët paralajmërojnë se masat do të intensifikohen, duke theksuar se kërkesat e tyre nuk janë objekt negocimi, por burim nga Kushtetuta dhe ligji.