Më 5 gusht, presidentja Vjosa Osmani deklaroi në një konferencë për media se gjyqtari serb në Gjykatën Kushtetuese, Radomir Laban, përbën rrezik për sigurinë kombëtare të Kosovës. Megjithatë, tetë muaj pas kësaj deklarate, Laban vazhdon të ushtrojë detyrën e tij në Kushtetuese, pasi i është nënshtruar të gjitha procedurave kushtetuese dhe ligjore për emërimin e tij. Gjykata Kushtetuese ka theksuar se procedurat për shkarkimin e gjyqtarëve janë të qarta dhe nuk është ndërmarrë asnjë veprim për largimin e tij. Ndërkohë, ish-kryetari i Gjykatës së Apelit, Hasan Shala, ka kritikuar deklaratën e Osmanit dhe ka sqaruar mënyrën se si mund të shkarkohen gjyqtarët, ndërsa Prokuroria Speciale dhe Zyra e Presidentes nuk kanë dhënë përgjigje në lidhje me ndonjë hetim apo veprim të mëtejshëm.