Zëvendëskryeministri i Parë dhe Ministër i Punëve të Jashtme dhe Diasporës, Glauk Konjufca, po merr pjesë në Samitin e Katërt të Diasporës Shqiptare që po mbahet në Tiranë nga 13 deri më 15 prill 2026. Ky samit kombëtar, me moton “Përmes Rrënjëve Lartësohemi”, po zhvillohet kryesisht në Pallatin e Kongreseve dhe përfshin një program të pasur me panele tematike që trajtojnë fusha si ekonomia, inovacioni, arsimi, shëndetësia, arti dhe ruajtja e identitetit kombëtar. Konjufca do të jetë panelist së bashku me figura të njohura nga rajoni dhe diaspora, ndërsa ceremonia e hapjes u zhvillua në Teatrin Kombëtar të Operas dhe Baletit me pjesëmarrjen e personaliteteve nga të gjitha trevat shqiptare. Samiti synon të forcojë lidhjet mes diasporës dhe trojeve shqiptare, duke përfshirë edhe takime ndërfetarë dhe aktivitete kulturore, sportive dhe gastronomike që nxisin bashkëpunimin dhe identitetin kombëtar.