Ardian Gjini, kandidati i Aleancës për Ardhmërinë e Kosovës për kryeministër, së bashku me kryetarin e Rahovecit, Smajl Latifi, zhvilluan një takim me gratë dhe vajzat profesioniste të këtij qyteti. Në këtë bashkëbisedim të hapur u diskutua rëndësia e grave në proceset demokratike dhe vendimmarrjen institucionale, si dhe kontributi i tyre në jetën shoqërore dhe ekonomike. Gjini theksoi se gratë janë shtylla e familjes dhe zhvillimit shoqëror, duke nënvizuar nevojën për fuqizimin e tyre në pozicione udhëheqëse dhe vendimmarrëse. Ky takim nxori në pah gatishmërinë e grave për të marrë më shumë përgjegjësi dhe rolin e tyre kyç në ndryshimet shoqërore.