Ushtruesja e detyrës së Presidentes së Kosovës, Albulena Haxhiu, theksoi në Kuvendin e 23-të Vjetor të Anëtareve të Rrjetit të Grave të Kosovës se kontributi i grave nuk është i kufizuar vetëm në momente historike, por shtrihet në përditshmërinë e tyre, duke mbajtur familjet dhe shoqërinë në këmbë. Ajo kujtoi edhe marshin “Bukë për Drenicën” si një shembull të solidaritetit dhe fuqisë së grave në kohë sfidash, duke vlerësuar rolin e Rrjetit të Grave si një zë i fuqishëm për barazi, drejtësi dhe pjesëmarrje në vendimmarrje.