Deputeti i Partisë Demokratike të Kosovës, Përparim Gruda, ka deklaruar se dekreti i presidentes Vjosa Osmani për shpërndarjen e Kuvendit është plotësisht kushtetues dhe i ligjshëm. Ai theksoi se Kuvendi ka konsumuar të drejtën për të zgjedhur president, pasi afati 30 ditor për zgjedhjen e tij ka kaluar pa rezultat. Sipas Grudës, çdo interpretim tjetër që kundërshton dekretin është arbitrar dhe një keqinterpretim i qëllimshëm i Kushtetutës për interesa politike të partisë në pushtet, Lëvizjes Vetëvendosje. Ai nënvizoi se vendi duhet të shkojë në zgjedhje pasi Kuvendi nuk ka përdorur të drejtën e tij kushtetuese brenda afatit të parashikuar.