Kryetari i Organizatës së Veteranëve të Luftës së UÇK-së, Hysni Gucati, ka paralajmëruar se veteranët nuk do të qëndrojnë duarkryq ndaj veprimeve të Gjykatës Speciale. Ai njoftoi se shumë shpejt do të mblidhen tri shoqatat e dala nga lufta për të diskutuar dhe vendosur për hapat e ardhshëm kundër kësaj gjykate. Gucati vlerësoi masivitetin e protestës së 17 shkurtit në Prishtinë, ku morën pjesë mbi 100 mijë qytetarë, duke përgëzuar të gjithë pjesëmarrësit. Ai theksoi se bashkë me shoqërinë civile do të vazhdojnë të shqyrtojnë situatën dhe do të ndërmarrin veprime të koordinuara në të ardhmen.