Këshilltari i ish-presidentes Vjosa Osmani, Burim Meta, ka deklaruar se partia Guxo po përballet me një situatë unike në historinë politike të Kosovës, duke pasur më shumë kryetarë sesa anëtarë. Ai njoftoi se shumica e anëtarëve të Guxo-së, përfshirë ish-deputeten Albena Reshitaj dhe Jeta Statovcin, po i bashkohen Osmanit për zgjedhjet e 7 qershorit, duke lënë jashtë ata që kanë kaluar nga LVV-ja në këtë parti. Meta theksoi se të gjithë nënkryetarët e partisë janë në përkrahje të Osmanit dhe LDK-së, ndërsa priten edhe anëtarë të rinj, të cilët do të prezantohen nga vetë Osmani. Ai iu përgjigj edhe kryeministrit në detyrë, Albin Kurti, duke theksuar se mbështetja qytetare për Vjosa Osmanin po rritet çdo ditë e më shumë.