Deputetja e Lëvizjes Vetëvendosje, Rozeta Hajdari, ka kundërshtuar pretendimet e PDK-së për manipulim të njësorëve elektrik dhe faturave të energjisë në Kosovë, duke theksuar se sistemi funksionon mbi parimin e të hyrave të lejuara maksimale dhe se operatorët nuk mund të përfitojnë jashtë kufijve të përcaktuar nga Zyra e Rregullatorit të Energjisë. Ajo ka sqaruar se problemi i ngritur lidhet me sinkronizimin kohor të njësorëve dhe jo me saktësinë e matjes së energjisë, ndërsa Agjencia e Metrologjisë së Kosovës është institucioni kompetent për verifikimin dhe kontrollin e njësorëve elektrikë.