Kryetari i PDK-së, Bedri Hamza, ka kritikuar ashpër Qeverinë e Kosovës për mënyrën se si po procedohen projektligjet për energjinë në Kuvend. Ai tha se këto ligje po sjellën me procedurë të përshpejtuar, pa i dhënë mundësinë deputetëve të diskutojnë dhe të japin kontributin e tyre, duke rrezikuar kështu humbjen e mjeteve nga Plani i Rritjes prej nëntë milionë eurosh. Hamza akuzoi qeveritarët, përfshirë ministren e Ekonomisë, Artane Rizvanolli, si përgjegjës për këtë situatë, duke theksuar se fajtorët janë ata që nuk kanë proceduar ligjet në kohë dhe po tentojnë t’i "trafikojnë" dhe "kontrabandojnë" në Kuvend. Ai gjithashtu kritikoi kryeparlamentaren Albulena Haxhiu për mosdhënien e fjalës deputetit të PDK-së, duke kërkuar që të ndalet kjo praktikë për të garantuar mbarëvajtjen e punës së Kuvendit.