Kreu i Partisë Demokratike të Kosovës, Bedri Hamza, ka përkujtuar 28-vjetorin e masakrave të ndodhura më 28 shkurt 1998 në fshatrat Likoshan dhe Çirez, ku civilë të pafajshëm u ekzekutuan nga forcat e regjimit serb. Ai theksoi se këto ngjarje mbeten plagë të hapura dhe se drejtësia për viktimat ende mungon. Hamza nënvizoi se liria që Kosova gëzon sot është amanet i të rënëve dhe se populli duhet të mos heshtë kurrë përballë padrejtësive. Në mesazhin e tij, ai i dha lavdi të përjetshme të gjithë atyre që dhanë jetën për lirinë e vendit.