Ministria për Punë, Familje dhe Vlerat e Luftës Çlirimtare në Kosovë ka hapur një thirrje publike për financim të projekteve të organizatave joqeveritare të licencuara në fushën e shërbimeve sociale dhe familjare. Të gjitha OJQ-të e regjistruara dhe të licencuara që fokusohen në mbështetjen e kategorive sociale dhe fuqizimin e familjeve apo individëve në nevojë janë të ftuara të aplikojnë për këtë financim. Afati i fundit për dorëzimin e aplikimeve është 22 prill 2026 në orën 16:00, ndërsa dokumentet duhet dorëzuar në zarfe të mbyllura personalisht ose përmes postës në adresën e Ministrisë në Prishtinë. Ministria thekson se dokumentet nuk do të hapen para mbledhjes së Komisionit vlerësues, ndërsa informacionet e detajuara për kriteret dhe procedurat e aplikimit janë të disponueshme në faqen zyrtare.