Kryeministri në detyrë i Kosovës, Albin Kurti, ka bërë thirrje të forta për hapjen e arkivit të Brigadës së Motorizuar 37 të ushtrisë ish-jugosllave, e cila akuzohet për kryerjen e masakrave në Drenicë dhe në gjithë Kosovën. Ai theksoi se dosjet e kësaj brigade janë klasifikuar për 30 vjet dhe se familjet e viktimave nuk mund të presin edhe 18 vjet të tjera për drejtësi dhe zbardhjen e fatit të të pagjeturve. Kurti kërkoi që shteti i Serbisë të hapë këto dosje që në vitin 2024 dhe nënvizoi rëndësinë e shtimit të trysnisë ndërkombëtare për zbatimin e marrëveshjes për personat e zhdukur me dhunë, të dakorduar në Bruksel më 2 maj 2023. Ai gjithashtu denoncoi arrestimet dhe përndjekjet ndaj serbëve që guxojnë të dëshmojnë për krimet, duke theksuar nevojën për drejtësi dhe zbardhje të së vërtetës për rreth 1600 personat e pagjetur në Kosovë.