Deputeti i AAK-së, Daut Haradinaj, ka akuzuar kryeministrin Albin Kurti për praktika të eliminimit politik të figurave kyçe brenda Lëvizjes Vetëvendosje. Ai përmendi emra si Shpend Ahmeti, Dardan Sejdiu, Dukagjin Gorani dhe Haki Abazi, të cilët dikur ishin kundërshtarë të opozitës dhe tashmë janë larguar nga VV. Haradinaj theksoi se Vjosa Osmani ishte “koka e fundit” që u eliminua politikisht nga Kurti, duke e cilësuar këtë si një praktikë të njohur ndërkombëtarisht të kryeministrit. Ai nënvizoi se këto eliminime kanë ndodhur ndaj figurave që kanë pasur ndikim të madh brenda partisë dhe në skenën politike.