Kreu i AAK-së, Ramush Haradinaj, ka vlerësuar pozitivisht mundësinë që Forcat e Sigurisë së Kosovës të dërgohen në një mision paqeruajtës në Gaza. Ai theksoi se pjesëmarrja në këtë mision ndërkombëtar nuk është veprim negativ, por një kontribut për paqen dhe rindërtimin e zonës. Haradinaj theksoi se në Gaza nuk ka konflikt aktual dhe se misioni ka karakter human dhe zhvillimor, duke përmendur se do të bashkëpunojnë me ushtri të vendeve të respektuara ndërkombëtarisht. Kjo deklaratë erdhi pas fjalimit të presidentit amerikan Donald Trump, i cili njoftoi se Kosova dhe Shqipëria kanë premtuar dërgimin e trupave ushtarake në kuadër të një strukture të re sigurie për Gazën.