Ramush Haradinaj, kryetari i Aleancës për Ardhmërinë e Kosovës, ka dalë në mbështetje të protestës së thirrur nga OVL-UÇK dhe organizatat e dala nga lufta, që do të mbahet më 30 mars para Kuvendit të Kosovës. Protesta synon të kundërshtojë përmbajtjen e ekspozitës “Masakrat në Kosovë 1998-1999”, e cila ka shkaktuar reagime për shkak të pasaktësive dhe përpjekjeve për të shtrembëruar të vërtetën e Luftës Çlirimtare. Haradinaj ka ftuar bashkëluftëtarët, familjarët e të rënëve dhe gjithë qytetarët që të dalin në mbrojtje të sakrificës së luftës për liri. Ai ka theksuar rëndësinë e mbrojtjes së së vërtetës historike dhe ka shprehur mbështetjen e plotë për këtë tubim protestues.