Kryetari i AAK-së, Ramush Haradinaj, mori pjesë në përkujtimin e 27-vjetorit të rënies së 106 martirëve në Pastasel të Rahovecit, si dhe të 42 shqiptarëve të pafajshëm nga fshati Burim i Malishevës. Ai theksoi se plumbat e armikut nuk kursyen as të moshuarit, as gratë e fëmijët, duke shkaktuar plagë të thella në familjet e tyre. Në një postim në Facebook, Haradinaj nënvizoi se kujtimi për këta martirë mbetet i përhershëm dhe se sakrifica e tyre forcoi rrugën drejt lirisë. Ai gjithashtu bëri thirrje që detyrimi ynë është të mbrojmë dhe forcojmë Kosovën, për të cilën ata dhanë jetën.