Kryetari i Aleancës për Ardhmërinë e Kosovës, Ramush Haradinaj, ka përkujtuar dëshmorin e kombit, Yll Morina, në përvjetorin e rënies së tij. Ai e ka vlerësuar Morinën si një nga luftëtarët më të zotë të Ushtrisë Çlirimtare të Kosovës, i cili iu bashkua UÇK-së që në ditët e para të luftës dhe i falë jetën atdheut. Haradinaj e ka cilësuar Morinën si një figurë të pavdekshme në kujtesën e brezave dhe krenari për Gjakovën, Kosovën dhe gjithë shqiptarët. Yll Morina është dekoruar me urdhrin Hero i Kosovës në vitin 2017, në një ceremoni ku u nderuan edhe personalitete të tjera nga Organizata e Veteranëve të Luftës së UÇK-së.