Ramush Haradinaj ka kujtuar 29 marsin e vitit 1999 dhe viktimat e masakrës në fshatrat Beleg, Irzniq të Deçanit dhe Poterq të Klinës, ku u vranë dhjetëra shqiptarë, përfshirë gra, pleq e fëmijë të paarmatosur. Ai ndau dhimbjen me familjarët e viktimave, të cilët edhe pas shumë vitesh vuajnë mungesën e më të dashurve të tyre. Një ditë pas përkujtimit të themelimit të Brigadës 137 “Gjakova”, u bënë homazhe në nderim të 14 bashkëluftëtarëve të rënë në Shishman të Bokës, të cilët Haradinaj i cilësoi si djem të zotë dhe luftëtarë të dalluar.