Ish-presidenti i Kosovës, Hashim Thaçi, në një intervistë ekskluzive ka deklaruar se është plotësisht i pafajshëm dhe kërkon që verdikti përfundimtar në procesin ndaj tij të bazohet në parimet kushtetuese dhe standardet ndërkombëtare të të drejtave të njeriut. Ai thekson rëndësinë që procesi gjyqësor të respektojë bazën ligjore të Dhomave të Specializuara dhe Konventën Evropiane për të Drejtat e Njeriut, duke vënë në dukje se opinioni publik në Kosovë nuk është mjaftueshëm i informuar për zhvillimet në sallën e gjyqit.