Ish-presidenti i Kosovës, Hashim Thaçi, në një intervistë ekskluzive për Debat Plus, ka reflektuar mbi periudhën e rezistencës, shpalljes së pavarësisë dhe sigurimit të njohjeve ndërkombëtare. Ai theksoi se, nëse do të kishte mundësi të kthehej pas në kohë, nuk do të ndryshonte në mënyrë thelbësore veprimet e tij gjatë këtyre momenteve kyçe. Thaçi vlerësoi se, pavarësisht sfidave të mëdha, Kosova arriti të fitojë lirinë dhe pavarësinë në një kohë relativisht të shkurtër, duke theksuar se ky sukses ishte më i shpejtë dhe më i mirë se shumë popuj të tjerë në botë. Ai përmendi gjithashtu se bashkimi i faktorëve të ndryshëm ishte si një bashkim yjesh që mbështeti kauzën kosovare.