Ish-presidenti i Kosovës, Hashim Thaçi, ka folur për herë të parë pas një periudhe të gjatë lidhur me krijimin e Gjykatës Speciale. Ai ka shpjeguar se Kosova ishte “midis dy zjarreve” dhe se vendimi për themelimin e gjykatës bashkërisht me partnerët ndërkombëtarë ishte “e keqja më e vogël” për vendin. Sipas tij, kjo zgjedhje shmangu përfshirjen e Rusisë dhe Kinës në proces, duke evituar një kthim prapa në aspektin legal, politik dhe historik për Kosovën. Thaçi ka theksuar se ishte i zotuar që asgjë e keqe të mos ndodhte Kosovës, por tani po paguan çmimin në lëkurën e tij, duke shprehur besimin se do të kapërcejë edhe këtë vështirësi.