Ushtruesja e detyrës së presidentes së Kosovës, Albulena Haxhiu, ka pritur në takim përfaqësuesit e organizatës “Albanians for America”, Gino Mulliqin dhe Gëzim Rushitin, ku diskutuan për marrëdhëniet e veçanta ndërmjet Kosovës dhe Shteteve të Bashkuara të Amerikës. Në fokus ishte roli i komunitetit shqiptaro-amerikan në ruajtjen dhe forcimin e këtyre lidhjeve, duke theksuar kontributin e tyre të vazhdueshëm në mbajtjen e çështjes së Kosovës aktive në Kongresin dhe administratën amerikane. Haxhiu vlerësoi trashëgiminë e komunitetit si një nga shtyllat më të rëndësishme të lidhjes mes dy vendeve dhe falënderoi për angazhimin në fuqizimin e zërit të shqiptarëve në SHBA dhe mbrojtjen e interesave të Kosovës. Ky takim nënvizon rëndësinë e bashkëpunimit të vazhdueshëm dhe rolin kyç të diasporës në politikën ndërkombëtare të Kosovës.